Ramazan bayramınız mübarək! 

Ramazan bayramınız mübarək! 

TelSat MMC olaraq bu müqəddəs bayramda qəlbinizin hüzur və xoşbəxtliklə dolması niyyəti ilə, Ramazan bayramınız mübarək! 

İslam dünyası və biz müsəlmanlar üçün önəmli olan bu bayram həyatımızda və dünya tarixində də önəmli yerə malikdir. Gəlin, bu bayramın tarixi haqqında biraz danışaq.

Ramazan bayramı Ramazan ayının sonunda, orucun sona çatması münasibəti ilə qeyd edilir. Ramazan ayı insanlara Allahı sevmək prinsiplərini öyrədir, onlara öz iradə qüvvələrini, dözümlüyünü yoxlamaq imkanı verir, onları gözüaçıqtəmiz vicdanlı olmağa yönəldir və oruc tutmaqla ifadə olunur. İslamda ilin ayları arasında Ramazan ayı ən şəfaqətli və ən müqəddəs ay hesab edilir. Onu məcazi mənada "on bir ayın sultanı" da adlandırırlar. Məhz Ramazan ayının axırıncı on gecələrinin birində Quran hədiyyə edilmişdir. 

“Bayram” sözünün mənası “sevinc, şadlıq, əyləncə”dir. Dini bayramların günləri “hicri-qəməri təqvimi” ilə hesablandığından indiki təqvim hər il eyni tarixlə üst-üstə düşmür. Hər il on günlük geriləmə ilə gələn Ramazan müxtəlif fəsillərdə qeyd olunur. Bayramın nə zaman başlayacağı isə media qurumlar tərəfindən əhaliyə bildirilir. Belə ki, Nazirlər Kabinetinin “2022-ci il üçün Novruz, Ramazan və Qurban bayramları günlərinin müəyyən edilməsi haqqında” Qərarına əsasən, martın 20, 21, 22, 23, 24-ü Novruz bayramı, mayın 2, 3-ü Ramazan bayramı, iyulun 9, 10-u Qurban bayramı günləri müəyyən edilib.

Şərhlər

Digər xəbərlər