Qlobal iqtisadi böhran "Apple"ı da vurdu

Bütün sektorları dərindən sarsıdan qlobal iqtisadi böhran tədricən “Apple”ı da sarsıtmağa başladı. Ötən ilin son rübündə şirkət uzun müddətdən sonra ilk dəfə gəlirlərində azalma yaşadı. Açıqlamaya görə, ötən ilin son rübündə gəlir 117,2 milyard dollar olub və illik bazda 5 faiz azalıb. Sonuncu dəfə 2019-cu ildə şirkətin gəlirlərində azalma olmuşdu.

Aktiv cihazların sayı 2 milyardı keçən Apple satış ilə bağlı məlumat vermədi. Bildirilir ki, yalnız Xidmətlər bölməsi 20,8 milyard dollarlıq rekord gəlir əldə edib. Apple Music, Apple TV+, Apple Arcade xidmətləri yüksək gəlir əldə etməyə davam edir.  34 milyard dollar gəliri olan Apple bunun 25 milyard dollarını investorlara divident olaraq paylayıb.