Apple hazırki iPhone dizaynı və qatlana bilən iPhone üçün toxunuşa həssas idarəetmə sahələri üçün patent aldı. Patentin əhatə dairəsi olduqca genişdir və toxunma panellərinin istifadəsi bütün smartfon boyu olacaq.

Əvvəlki xəbərlərimizdə də qeyd etmişdik ki, Apple iPhone 15 ilə fiziki düymələri çıxaracaq və toxunma düymələrini daxil edəcək. Alınan yeni patent bu söz-söhbətləri dəstəkləyir. Bu patent qatlanan iPhone üçün alınsa da, “Apple”ın vizyonunu göstərir. “Apple”ın yeni patenti "Ekran və toxunma sensoru olan elektron cihazlar" kimi qeydə alınıb. Buna uyğun olaraq “Apple”ın qatlanan "iPhone"ların yanlarına toxunma panelləri daxil edəcəyini söyləmək olar. 

Təbii ki, bu patentin “Apple”ın növbəti iPhone-da istifadə edəcəyini göstərmir. Bununla belə, bu cür patentlər şirkətlərin gələcək baxışlarını üzə çıxarmaq baxımından əhəmiyyətlidir. Buna görə də tezliklə "iPhone"larda fiziki düymələrin tamamilə silindiyini görə bilərik.