Google yaxın gələcəkdə axtarış xidmətinə Premium seçimi əlavə etməyi planlaşdırır. İstifadəçilər Premium abunə ilə daha təkmil süni intellekt xüsusiyyətlərinə sahib olacaqlar.

Son zamanlar süni intellekt xüsusiyyətlərinə inanılmaz investisiyalar qoyulub və onlar istifadəçilərin gündəlik həyatına inteqrasiya olunur. Ancaq şirkətlərin bu investisiyaları pulsuz istifadə planı ilə əhatə etməsi mümkün deyil. Buna görə Premium abunə konsepsiyası işə düşür.

Google Axtarış qismən ödəniləcək

Axtarış sistemi dünyasına hakim olan Google, yarandığı gündən bu xidməti pulsuz təklif edir. Zaman-zaman gündəmə gələn ödənişli Google Axtarış xüsusiyyətləri ilə bağlı iddialar gerçəkləşir.Şirkətə yaxın mənbələrdən verilən məlumata görə, süni intellekt xüsusiyyətləri ilə dəstəklənən Premium axtarış xidməti gündəmdədir. Google Gemini platforması tərəfindən dəstəklənəcək Premium abunə beləliklə şirkətə yeni gəlir modeli yaratmağa kömək edəcək.

Həmçinin bildirilir ki, premium abunədə reklamlar da göstəriləcək. Axtarış funksiyasından reklamsız və qabaqcıl süni intellekt olmadan istifadə etmək istəyən istifadəçilər heç bir ödəniş ödəməyəcəklər. Yeni Premium xidməti haqqında ilk məlumatın Google I/O konfransında veriləcəyi gözlənilir.