Poco markası tezliklə Poco M5 seriyalı smartfonlarını təqdim edəcək. Təqdimatdan əvvəl Poco M5 və M5s adlı modellərin dizaynı və qiymət etiketləri sızdırıldı. Avqustun sonunda Poco brendi Poco M5 və M5s smartfonlarının sentyabrın 5-də təqdim ediləcəyini açıqladı. Başlamadan əvvəl cihazların dizaynını və qiymət etiketlərini üzə çıxaran yeni detallar paylaşıldı. Poco M5 xarici görünüşünə görə M4 5G-yə bənzəyir. Arxa tərəfində Poco yazısı olan böyük qara kamera bloku, həmçinin üç kamera və flaş var. Smartfon Helio G99 prosessoru və 90 Hz displeylə təchiz ediləcək. Qara, sarı və yaşıl rənglərdə təklif olunacaq.

Qiymətlər açıqlandı

Poco M5s avqust ayında təqdim edilən Redmi Note 11 SE-yə bənzəyir, lakin kamera bölməsində Poco var. Bu model qara, mavi və ağ rənglərdə olacaq. Poco M5 4+64 və 4+128 GB konfiqurasiyalarda satışa çıxarılacaq, qiymətləri müvafiq olaraq 189 (321 azn) və 209 (355 azn) avro təşkil edəcək. Poco M5s modeli eyni konfiqurasiyada 229 (390 azn) və 249 (423 azn) avroya istehlakçılara təklif olunacaq.