Oxford, 2024-cü ilin sözünü seçdi: "Beyin çürüməsi"

Oxford Lüğəti hər il o ilin sosial, mədəni və siyasi atmosferini əks etdirən bir sözü "ilin sözü" olaraq seçir. 2024-cü ilin sözü olaraq seçilən "beyin çürüməsi" nə deməkdir?

Oxford Universiteti mütəxəssislərinə görə, "brain rot" (beyin çürüməsi) ifadəsinin istifadə tezliyi 2023 və 2024-cü illər arasında 230% artıb. Bu ifadə son bir ildə TikTok kimi sosial media platformalarında Z və Alfa nəsilləri tərəfindən tez-tez istifadə edilib və artıq əsas media mənbələrində də geniş yayılmağa başlayıb.

37.000-dən çox insanın səsi ilə seçildi

Oxford Lüğəti, 37.000-dən çox insanın qatıldığı ictimai səsvermədən sonra 2024-cü ilin sözünü "Brain rot" olaraq açıqladı. Bu ifadə, xüsusilə onlayn məzmunların həddindən artıq və davamlı istehlakı nəticəsində insanın zihni və ya intellektual durumunun zəifləməsi kimi təsvir edilir.

Mənşəyi 19-cu əsrə aiddir

Hərçənd "brain rot" ifadəsi müasir rəqəmsal dövrlə birlikdə məşhurlaşıb, əslində bu sözün mənşəyi 19-cu əsrə aiddir. İfadə ilk dəfə 1854-cü ildə Henry Thoreau-nun "Walden, or, Life in the Woods" adlı kitabında istifadə edilib.

Müəllif bu ifadəni cəmiyyətin mürəkkəb fikirlərdən uzaqlaşıb, sadə bir yanaşma mənimsəməsini tənqid etmək üçün işlətmişdi. Oxford-un bu sözü seçməsi, aşağı keyfiyyətli məzmunlarla dolu sosial medianın həyatımıza mənfi təsirlərini anlamağa çağırışdır.