"Oppo"nun aktiv səs-küyü ləğv edən yeni simsiz qulaqlıqları!

Oppo bu ilin əvvəlində Enco R simsiz qulaqlıqlarını təqdim etdi. Çin markası indi Oppo Enco R Pro modelini buraxmağa hazırlaşır. Enco R Pro xarici görünüşcə “AirPods Pro”ya bənzəyir. Oval formada olan simsiz qulaqlığın ön tərəfində Oppo loqosu var. Aksesuarda USB-C portu və enerji səviyyəsini göstərən LED işığı var.

Aktiv səs-küyün ləğvi, titan sürücüləri

Simsiz qulaqlıqlar aktiv səs-küyün ləğvi (ANC) dəstəyi və titan örtüklü 12,4 mm drayverlərlə təklif olunacaq. Oppo Enco R Pro batareya qutusu ilə birlikdə 47 qram ağırlığındadır. Qiymət etiketi 71 dollardır. Müqayisə üçün xatırladaq ki, Enco R modeli 42 dollar qiymətində debüt etmişdi. Hələlik yeni simsiz qulaqlığın nə vaxt təqdim ediləcəyi bəlli deyil.