Uzun müddətdir bir çox sızıntılarla qarşımıza çıxan Oppo Find X8 seriyası, nəhayət Çinli texnologiya nəhəngi tərəfindən təqdim edildi. Find X8 və Find X8 Pro modellərinə dair bütün detalları təqdim edirik.
Oppo, Çində Find X8 və Find X8 Pro flaqman telefonlarını təqdim edib. Bu yeni modellər, ekran, performans və kamera texnologiyalarında nəzərəçarpan yeniliklərlə seçilir və premium seqmentdə iddialı mövqeyə sahibdir. Qlobal bazara da çıxarılması gözlənilən bu seriyanın detalları ilə tanış olaq.
Find X8 modeli 6.59 düymlük, 1.5K (2760 × 1256 piksel) çözünürlüklü və 1Hz-dən 120Hz-ə qədər uyğunlaşan LTPO OLED ekranla gəlir. Tianma tərəfindən istehsal edilən bu düz ekran yalnızca 1.45 mm incə çərçivələrə və 4.500 nit zirvə parlaqlığa çatır. Find X8 Pro isə 6.78 düymlük, 1.5K çözünürlüklü (2780×1264 piksel) və dörd tərəfi də bir qədər əyri olan BOE LTPO OLED ekranla təchiz edilib. Hər iki modeldə uyğunlaşan yeniləmə sürəti və Dolby Vision dəstəyi mövcuddur. Ekranlar, Oppo-nun Crystal Shield texnologiyası sayəsində daha davamlıdır.
Hər iki model MediaTek'in 3nm Dimensity 9400 çipsetindən güc alır. Maksimum 16 GB LPDDR5X RAM və UFS 4.0yaddaş seçimi təklif olunur. Bu güclü texnologiya, AnTuTu testlərində 3.1 milyonun üzərində nəticə əldə edir. Bundan əlavə, geniş VC soyutma sahəsi uzun müddət yüksək performans təmin edir.
Cihazların kamera sistemi də çox güclüdür. Find X8, 50MP əsas kameraya, 50MP ultra geniş bucaqlı və 3x periskop zoom ilə təchiz olunmuş üçlü kamera sisteminə sahibdir. Find X8 Pro isə bu sistemə əlavə olaraq, Sony LYT-808sensörlü əsas kamera və 6x periskop zoom edə bilən dördüncü linzaya malikdir. Hər iki modeldə 120x rəqəmsal zoom, HyperTone görüntü mühərriki və Hasselblad Portret rejimi mövcuddur. AI Erase, AI Anti-Reflection, AI De-Blurvə AI Super Resolution kimi süni intellekt xüsusiyyətləri də təklif olunur.
Batareya sahəsində isə Find X8, 5.630 mAh batareya ilə gəlir, Find X8 Pro isə 5.910 mAh tutumuna malikdir. Hər iki modeldə 80W SuperVOOC sürətli şarj, 50W simsiz şarj və 10W geriyə simsiz şarj dəstəklənir. IP68 və IP69 toz və suya davamlılıq sertifikatları ilə bu cihazlar sərt şəraitlərə qarşı dayanıklıdır.
Seriyanın əlaqə xüsusiyyətləri də inkişaf etmişdir. Cihazlarda ekran altı barmaq izi oxuyucu, Wi-Fi 7, Bluetooth 5.4 və ikili antenalı NFC dəstəyi mövcuddur. Find X8 Pro modelində xüsusi olaraq Quick Button əlavə olunub, bu düymə foto çəkmə və ya sürətli bildirişlər üçün istifadəyə yarayır.
Qiymətə gəldikdə, Find X8-in qiyməti 589 dollardan başlayaraq 702 dollara qədərdir. Find X8 Pro isə 744 dollardan başlayaraq 983 dollara qədərdir. Çində satışa 30 oktyabrdan başlanacaq. Qlobal bazara çıxış tarixi isə hələlik açıqlanmayıb.
