Oppo Find X6 Pro böyük kamera dizaynı ilə gəlir!

Oppo gələn həftələrdə flaqman Oppo Find X6 seriyasını təqdim edəcək. Uzun müddətdir haqqında danışılan seriyanın Oppo Find X6 və Find X6 Pro adlı iki cihazdan ibarət olacağı gözlənilir. Bu gün seriyanın top modeli Oppo Find X6 Pro ilk dəfə Çinin sosial media platforması "Weibo"da canlı olaraq nümayiş olundu. Şəkillərə baxsaq, Oppo Find X6 Pro Hasseslblad markalı nəhəng kameraya ev sahibliyi edir. Bununla belə, bu bölmənin cihazın erqonomikası və tutuşuna necə təsir edəcəyini görəcəyik. Yeni flaqman əyri ekran dizaynı, sağ tərəfdə güc düyməsi (knopka) və yuxarıda dinamik deşikləri ilə müşayiət olunur.

Son sızmalara görə, Oppo Find X6 Pro 6,8 və ya 6,9 düymlük QHD+ AMOLED displeyə sahib olacaq ki, bu da ekranın altındakı barmaq izi skaneri və 120 Hz yeniləmə tezliyi təklif edir. Bununla belə, kapotun altında Snapdragon 8 Gen 2, LPDDR5x RAM və UFS 4.0 yaddaşı ilə təchiz ediləcək telefon, 100W simli və 50W simsiz sürətli enerji dəstəyi, 5000 mAh batareya tutumu ilə istifadəçilərə təqdim ediləcək.