Aylarla gözlədikdən sonra OpenAI yeni bir mərhələyə qədəm qoyur. Dünən axşam saaatlarında şəkil və mətni anlama süni intellekt modeli GPT-4-ni buraxdı. OpenAI-nin son dərəcə populyar ChatGPT çatbotunun indiki modeli GPT-3.5 yalnız mətni göstərə bilirdi.
ChatGPT indi GPT4 ilə daha ağıllıdır
OpenAI-ə görə, GPT-4 şəkil və mətn daxiletməsini qəbul edə, müxtəlif peşəkar və akademik meyarlarda “insan səviyyəsində” çıxış edə bilər. OpenAI həmçinin deyir ki, yeni sistem “faktiklik, yönləndirmə və sərhədləri aşmama” baxımından sələfindən üstündür. GPT-4 şəkil daxiletmələrini qəbul etsə də, hələlik yalnız mətnlə cavab verir. Yəni siz şəkil göndərib, məlumat alırsınız və ya tapşırıq verirsiniz. Eyni zamanda yeni model yaradıcı və texniki yazı yaza, redaktə edə, 25 mindən çox söz istifadə edə bilər.
GPT-4 və onun imkanları haqqında fərziyyələr son aylarda çoxalmışdı və bir çoxları bunun əvvəlki sistemə görə böyük sıçrayış olacağını deyirdi. Lakin görünən odur ki, GPT4 yalnız çatışmazlıqları aradan qaldırmağa və performansı yaxşılaşdırmağa yönəlmiş modeldir. GPT-4-ün verilənlər bazasına da 2021-ci ilin sentyabrından sonrası daxil deyil. Görünür, OpenAI GPT4-ü öz sistemlərinə və ya tətbiqlərinə inteqrasiya etmək istəyənlər üçün hazırlayıb. Yeni modelin GPT-3.5 ilə müqayisədə icazəsiz məzmun sorğularına cavab vermə ehtimalı 82 faiz daha azdır.
