Yaxınlarda flaqman OnePlus 11-i təqdim edən OnePlus tezliklə qatlana bilən telefon bazarına girəcək. Ötən həftələrdə keçirilən Cloud 11 tədbirində OnePlus V Fold və V Flip modelləri üçün 2023-cü ilin üçüncü rübünə işarə edən marka bu istiqamətdə işlərini sürətləndirib. Bu gün şirkətin ilk qatlana bilən telefonları haqqında mühüm məlumatlar paylaşıldı.

Xatırlasaq, son sızıntılar OnePlus V Fold-un bu yaxınlarda təqdim olunan Oppo Find N2 seriyasına əsaslanacağı barədə idi. Bununla belə, telefonun “Samsung”un Galaxy Z Fold seriyasına bənzər 2K təsvir ölçülü böyük ekrana sahib olacağı deyilir. Bu məlumatların işığında deyə bilərik ki, yeni qatlana bilən qurğu rebrendinq edilmiş Oppo Find N2 olmayacaq.

OnePlus özünün qatlana bilən cihazını təqdim etməklə Samsung, Huawei kimi böyük brendlərlə rəqabətə girəcək. Büdcə və performans yönümlü modellərə imza atan şirkətin qatlana bilən bazarda nə edəcəyini görəcəyik.