OnePlus 11 hələ təqdim olunmasa da rekordları qırır!

OnePlus yeni nəsil flaqman smartfonunu 7 fevral 2023-cü ildə keçiriləcək tədbirdə təqdim edəcək. Qualcomm Snapdragon 8 Gen 2 platforması ilə təchiz ediləcək cihazın performans testinin nəticələri yayılmağa başlayıb. Qeyd edək ki, sınaqdan keçirilmiş smartfon 16 GB operativ və 512 GB yaddaşa malikdir. Bundan əlavə, cihazda Android 13 əməliyyat sistemi quraşdırılıb.

Asus ROG Phone 6-nı taxtdan saldı

OnePlus 11-in AnTuTu test nəticələrini göstərən skrinşot yayımlanıb. Smartfon AnTuTu-da ümumilikdə 1 milyon xal toplayaraq hazırkı lider Asus ROG Phone 6-nı 223 112 xalla geridə qoyub. CPU testində 295.159 xal toplayan flaqman, Adreno 740 qrafik vahidi ilə 574.508 xala çatmağı bacarıb. OnePlus 11-də UFS 4.0 yaddaşı 268 112 bal, 120 Hz displey isə 203 301 bal toplayıb.

Çin markası bu yaxınlarda yayımladığı tizerlə cihazın Hasselblad imzalı üçlü arxa kamerası və Alert Slider adlı bildiriş düyməsi ilə gələcəyini təsdiqləyib.