One UI 7 beta versiyası bu gün yayımlana bilər: Samsung Almaniya məlumat verdi

Samsung istifadəçilərinin uzun zamandır gözlədiyi Android 15 əsaslı One UI 7.0 beta proqramı bugündən başlayacaq.

İlk dəfə SDC 2024 tədbirində oktyabr ayında təqdim edilən və bir neçə dəfə təxirə salınan bu versiya nəhayət test üçün ümumi istifadəçilərə təqdim edilir.

Samsung tərəfindən One UI 7.0 ilə bağlı rəsmi açıqlama verilməsə də, Samsung Almaniya-nın beta proqramının tarixi ilə bağlı məlumatı təsadüfən açıqladığı düşünülür.

Bu məlumat, rəsmi müştəri dəstək kanalı vasitəsilə paylaşılıb

Bir istifadəçi Samsung Almaniya-ya rəsmi müştəri dəstək kanalı vasitəsilə müraciət edərək One UI 7 beta versiyasının buraxılış tarixini soruşub. Müştəri xidmətləri nümayəndəsi, One UI 7 beta proqramının 5 dekabr tarixində Galaxy S24, Galaxy S24+ və Galaxy S24 Ultra üçün başlayacağını bildirib. Hətta beta proqramının yaxınlaşan buraxılışını təsdiqləyən bir vizual da paylaşılıb.

İndiyə qədər yayılan One UI 7 sızıntıları, Samsung-un yeni proqram təminatında mühüm dizayn dəyişiklikləri edəcəyini göstərir. Bununla yanaşı, yeni funksiyalar və daha axıcı animasiyalar da təqdim olunacaq. Bu səbəbdən yeni versiya Samsung istifadəçiləri arasında böyük maraq doğurur.