"Nothing"in yeni qulaqlığı Ear (2)-nin görüntüləri sızdı!

Təsisçisi olduğu "OnePlus"dan ayrıldıqdan sonra Nothing adlı ekosistem təşəbbüsünü quran Karl Peinin ilk məhsulu olan Nothing Ear (1) simsiz qulaqlığının xələfi Nothing Ear (2) artıq görünməyə başlayıb. Son yayılan xəbərlərdə cihazın görüntüləri ortaya çıxdı. Nothing Ear (2)-nin dizaynı əvvəlki ilə eynidir. Qulaqlıq yenə şəffaf rəngdədir və məhsulun ümumi estetikası eyni şəkildə qorunub. Diqqət çəkən yeganə dəyişiklik logonun əvəzinə ear (2) işarəsi qoyulub. Nə vaxt satışa çıxarılacağı hələ məlum olmayan qulaqlığın şəkillərinin ortaya çıxması təqdimat tarixinin yaxınlaşdığının göstəricisi ola bilər. Qulaqlığın texniki göstəriciləri hələlik məlum olmasa da, onun yaxın vaxtlarda buraxılacağı ehtimal edilir.