Nostalgiya geri qayıdır- Nokia 200 meqapiksel kameralı telefon ilə gəlir!

Bir zamanların texnologiya nəhəngi olan Nokia bazara yeni telefon çıxarmaq hazırlığındadır. Nokia N73 Samsung-un iddialı 200 meqapiksel kamera sensoru ISOCELL HP1 ilə gələ bilər.

Bilirik ki, Nokia uzun fasilədən sonra smartfon bazarına qayıdıb. Bir müddətdir flaqman istehsal edən şirkət son illərdə aşağı büdcəli android telefonlar və inkişaf etməkdə olan bazarlar üçün standart telefonlar istehsal edir. Görünən budur ki, Nokia N73 adlı yeni seriya hazırlayır. Cihazın flaqman xüsusiyyətlərinə sahib olub-olmayacağı bilinmir, lakin növbəti telefonda kameraya önəm verəcək. İddialara görə, Nokia 200 meqapiksellik ISOCELL HP1 kamera sensorundan istifadə edəcək. Nokia son illərdə keyfiyyətli hissələrdən istifadə etsə də kifayət qədər kamera performansı təklif edə bilmir.

Samsung tərəfindən hazırlanan və HDR Video, 8K video, bir çox funksiyaları əhatə edən ISOCELL HP1 sensoru bir çox texnologiya nəhənginin diqqətini çəkmiş kimi görünür. Motorola ISOCELL HP1 sensoru ilə telefon hazırlayır. Həmçinin, Xiaomi də ilin ikinci yarısında bu sensordan telefonunda istifadə edəcək. Samsung-un isə Galaxy S23 seriyasında 200 meqapiksellik ISOCELL HP3 sensorundan istifadə edəcəyi gözlənilir. Görək Samsung-un yeni ISOCELL sensoru möhtəşəm performans göstərə biləcəkmi?