“Nokia” iflasın astanasında: 14 min işçisini çıxaracaq

5G və telekommunikasiya avadanlıqları, eləcə də smartfonlar istehsal edən “Nokia” 2026-cı ilə qədər 14 min insanı işdən çıxaracaq. 

“Nokia” şirkəti 5G avadanlıqlarına tələbatın azalması və telekommunikasiya sektorunun yavaşlaması səbəbindən iflas edə bilər.

Finlandiyada yerləşən Nokia mobil şirkəti, satışların azalması və 5G avadanlığına tələbin azalması fonunda 9,000 ilə 14,000 arasında iş yerini ixtisar etməyi planlaşdırır. Bu ixtisarların ən yüksək həddi, ehtimal ki, şirkətin 86,000 nəfərlik hazırkı qlobal işçi qüvvəsinin təxminən 16%-nə təsir edəcək.

Şirkət 2026-cı ilə qədər ümumi xərcləri 1,2 milyard avro azaltmaq istəyir.

Şirkət üçüncü rübdə 424 milyon avro əməliyyat mənfəəti əldə edib ki, bu da ötən ilin eyni dövrü ilə müqayisədə 36% azalma deməkdir.