Nokia brendinə əlvida, artıq satışda olmayacaq.

İllərdir Nokia markalı smartfonlar istehsal edən HMD Global tərəfdaşlığı bundan sonra yalnız öz brendindən istifadə edəcək. Təqdimat hazırlıqlarını davam etdirən şirkət Nokia markası ilə vidalaşdı.

2000-ci illərin əvvəllərində smartfon bazarının ən məşhur adı olan Nokia, iPhone və Android hərəkətlərinə cavab verə bilməyəndə böyük bir iflasa uğradı. 2014-cü ildə Microsoft-un Windows smartfonları çərçivəsində 5 milyard Avroya satın alınan Nokia, çox keçmədən şok qərarla smartfon bazarı ilə vidalaşdı.

Nokia indi qaçılmaz sona çatdı.
Finlandiyanın HMD Global konsorsiumu tərəfindən satın alınan və 2016-cı ildə yenidən fəaliyyətə başlayan Nokia markası təxminən 7 il ərzində fərqli smartfon modelləri ilə müəyyən bazarlarda peyda oldu. Ancaq köhnə şöhrətli günlərini geri qaytara bilmədiyi üçün Nokia markasına çox da bel bağlamaq istəməyən HMD Global, keçən ilin sonunda öz markası altında smartfon istehsalına başladı. Gözlənilən xəbər bu ilin əvvəlində gəldi.

Bundan sonra HMD Global yalnız öz markalı smartfonlarını satacaq və Nokia brendindən istifadə etməyəcək. Həmçinin şirkətin planşet və tam simsiz qulaqlıq istehsal edəcəyi bildirilir. Bu inkişaf Nokia smartfonlarının artıq bazardan tamamilə yığışdırılacağını göstərir.

Şirkətin internet saytında hələ də “Nokia Telefonlarının İstehsalçısı” ifadəsini işlətməsi heç olmasa Nokia markalı mobil telefonların istehsalına davam edəcəyi ehtimalını ağla gətirir. HMD Global debütünü qarşıdan gələn MWC 2024 sərgisində edəcək.