Netflix sizi abunəçi kimi saxlamaq üçün yeni üsul üzərində işləyir. Abunəlikləri sürətlə itirdikdən sonra reklam xarakterli yeniliklər əlavə edir. Belə ki, mobil oyun platforması əlavə etdi və indi canlı yayım şouları ilə məzmununu genişləndirməyi planlaşdırır. Netflix şoular və stand-up üçün canlı yayıma başlamağın ilkin mərhələsində olduğunu təsdiqləyib. Bu, Netflix-ə bəzi serialları yayımlamağa və “Dance 100”  kimi rəqabətə davamlı istehsallar üçün canlı səsvermə təmin etməyə imkan verə bilər.

Yeni funksiya canlı komediya proqramlarını yayımlamaq üçün də istifadə edilə bilər. Məsələn, Netflix bu yaxınlarda “Netflix Is a Joke Fest” adlı komediya festivalı keçirdi və bu festivalda 300-dən çox stand-up tamaşası nümayiş olundu. Şirkət onlardan təxminən 12-nin səsyazmalarını tezliklə tamaşaçıların ixtiyarına verəcək. Ancaq festivalı yenidən təşkil etmək qərarına gəlsə, tədbirin yalnız bir hissəsini vermək əvəzinə bütün şounu canlı yayımlamaq istəyir. Bununla da abunəçilərinə tam təcrübə əldə etməyə imkan verə bilər.

Şouların canlı olaraq yayımlanması Netflix-ə “Ulduzlarla rəqs və Akademiya Mükafatları” kimi çoxsaylı canlı şouları yayımlayan əsas rəqibi Disney+ ilə yarışda qalmağa imkan verəcək. Çox güman ki, Netflix canlı üçün xüsusi olaraq hazırlanmış digər formatları da inkişaf etdirməyi planlaşdırır.

Hazırda platformanın bu yeni funksiyanı tam olaraq nə vaxt işə salmağı planlaşdırdığı barədə heç bir məlumat yoxdur.