NASA-nın Curiosity roveri Marsda uzun müddət araşdırma apardığı Gediz Vallis-dən ayrılır. Getməzdən əvvəl bu ərazinin inanılmaz fotoları paylaşılıb.

Tərk etməzdən əvvəl, bu bölgəyə dair 360 dərəcə panoramik görüntülər təqdim edərək Marsın keçmiş iqlimi və geoloji xüsusiyyətləri haqqında dəyərli məlumatlar paylaşıb. Bu görüntülər həm kanalın formalaşması, həm də planetin getdikcə quruyan iqlimi ilə bağlı kritik məlumatlar təqdim edir.

Unikal mənzərə

Marsdakı Sharp Dağı-nın ətəklərində yerləşən Gediz Vallisdə tapılan ağ rəngli kükürd daşları Curiosity komandasını təəccübləndirdi. Önəmli məqam, əvvəlki MRO görüntülərində görünməyən bu daşların yalnız Curiosity vasitəsilə kəşf olunmasıdır. Daha da maraqlısı, aparatın bir daş üzərində analiz apararaq onun içinin sarı kristallarla dolu olduğunu ortaya çıxarması idi.

Aparat üzərindəki cihazlar, bu daşların təmiz kükürd olduğunu təsdiqləyib. Lakin elm adamları bu kü ;kü ; rdün hansı şəraitdə formalaşdığını hələ də anlaya bilmir. Dünya üzərində kükürd vulkanlar və isti su mənbələri ilə əlaqələndirilsə də, Gediz Vallisdə belə formalaşma şəraitinə aid heç bir sübut tapılmayıb.

NASA JPL-dən Ashwin Vasavada bunu belə şərh edir: "Biz çoxlu məlumat topladıq və indi bu çətin tapmacanı həll etmək vaxtıdır."

Yeni Məqsəd: Boxwork

Curiosity-nin növbəti dayanacağı Marsın səthində örümçək toruna bənzər naxışlar əmələ gətirən geniş boxwork mineral quruluşlarıdır. Elm adamları, bu strukturların Sharp Dağından axan mineralların çatlarda kristallaşması ilə yarandığını düşünürlər.

Marsın bu xüsusi boxwork sahələrinin formalaşması, planetdəki suyun yoxa çıxmağa başladığı dövrə aiddir və onların nəhəng ölçüləri (10-20 km) ilə seçilir. Dünya ilə müqayisədə, Marsdakı bu strukturlar daha unikal hesab olunur və gələcək tədqiqatlar üçün böyük potensiala malikdir.