Microsoft səhvən Windows 12 interfeysini göstərdi!

Microsoft Ignite Keynote 2022 tədbiri vaxtı təsadüfən Windows 12 interfeysini göstərdi. Mütəxəssislər ən son əməliyyat sisteminin 2024-cü ildə buraxılacağını gözləyirlər. Efirdən çəkilmiş şəklin keyfiyyəti zəif olsa da mütəxəssislər şəkli analiz ediblər və bu əməliyyat sisteminin dizaynının “on birinci” versiyadan çox fərqləndiyini bildirirlər. Xüsusilə, şəkildə ekranın yuxarı sağ hissəsində üzən tapşırıq paneli, üzən axtarış menyusu və sistem nişanları, yuxarı solda isə hava vidceti var idi.

Windows 12 toxunma cihazları üçün optimallaşdırılacaq

Növbəti böyük Windows yeniləməsi hələ də prototip mərhələsindədir, lakin vəziyyətlə tanış olan mənbələr Ignite zamanı göstərilən prototipin “Microsoft”un növbəti Windows buraxılışında nəyi hədəflədiyini əks etdirdiyini söyləyir. Təbii ki, hazırda mümkün yeniliklərin yalnız bir hissəsi göstərilib və buraxılışda daha çoxunu görəcəyik. Windows 12-də yeni kilid ekranı və bildiriş mərkəzinin olacağı gözlənilsə də, tərtibatçıların əsas məqsədi əməliyyat sistemini daha "toxunula bilən" etməkdir.