Microsoft Windows 11-in 22H2 və 21H2 versiyaları üçün KB5022303 və KB5022287 yeniləmələrini buraxdı. Sözügedən paketlər əvvəlki aylarda aşkar edilmiş təhlükəsizlik boşluqlarını aradan qaldırmaqla yanaşı, performansı da artırır. İlk növbədə qeyd edək ki, onlar məcburi yeniləmələr kateqoriyasındadırlar. Windows 11 istifadəçiləri bunu Başlat > Parametrlər > Windows Yeniləmə menyusundan yoxlaya bilərlər. Quraşdırıldıqdan sonra əməliyyat sistemləri Windows 11 versiyası 22H2 22621.1105 və 21H2 22000.1455-ə dəyişəcək.

Hansı səhvlər düzəldilib?

Hər iki versiyada tərtibatçılar administrator hüququ olmayan istifadəçilərə yalnız administratorlar üçün mövcud olan funksiyaları yerinə yetirməyə imkan verən Yerli Sessiya Meneceri (LSM) səhvini düzəltdi. Eyni zamanda, ODBC verilənlər bazası ilə əlaqə problemi də aradan qaldırıldı.

Windows 11 21H2 yeniləməsi bəzi sistemlərdə görünən mavi ekran (0xc000021a) xətasını da düzəldib. Microsoft Windows 11 22H2-də iki məlum səhvi hələ də düzəltmədiklərini bildirir. Birincisi, böyük faylların kopyalanması çox uzun çəkir, ikincisi isə yoxlama paketlərinin (.ppkg) düzgün işləməməsidir. Bu nöqsanlar gələcək yeniləmələrdə həll ediləcək.