Meta işçi qüvvəsinin sayını təxminən 13 faiz azaldır və şirkət tarixində ilk kütləvi ixtisarlarla minlərlə işçini çıxarır. Mark Zukerberqin verdiyi açıqlamada şirkətin gələcək inkişafı ilə bağlı həddən artıq optimist olduğu görünür. "Covid-in başlanğıcı ilə dünya sürətlə onlaynlaşdı və e-ticarətdə artım böyük gəlir artımına səbəb oldu. Bir çox insan bunun pandemiya bitdikdən sonra da davam edəcək davamlı bir sürətlənmə olacağını proqnozlaşdırmışdı. Mən də investisiyalarımızı əhəmiyyətli dərəcədə artırmaq qərarına gəldim. Təəssüf ki, gözlədiyim kimi olmadı”. O, açıqlama verərək verdiyi qərarın səbəbini açıqlayıb.

2004-cü ildən bəri ilk böyük ixtisar

Zukerberq bildirir ki, şirkət artıq xərcləri və işçi heyətini azaltmaqla “daha səmərəli” olacaq. Resursların reklam, süni intellekt və metaverse kimi yüksək prioritet sahələrə yönəldiləcəyi də bildirilir. Şirkət 2023-cü ilin birinci rübünə qədər yeni işə qəbulu tamamilə dondurdu. Gələn il daha az adam işə götürüləcək. Meta sentyabr ayında təxminən 87,000 işçisi olduğunu bildirmişdi. Yeni qərarla 11 mindən çox işçi çıxarılacaq. Bu, şirkət yaranandan sonra ilk irimiqyaslı işdən çıxarılmadır. Meta yaxın vaxtlarda işçilərin ixtisarlarla bağlı e-mail alacağını və işdən çıxarılanlara təzminat veriləcəyini bildirir. Bundan əlavə, zərər çəkmiş işçilərin və ailələrinin sağlamlıq xərcləri altı ay ərzində ödəniləcəkdir. Bu, həm də işdən çıxarılan işçilərə yeni iş tapmağa kömək edəcək.

Maliyyə nəticələri gözlənildiyi kimi olmadı, Reality Labs və metaverse layihəsinin davamlı itkisi, “Meta”nın reklam gəlirləri “Apple”ın yeni məxfilik qaydaları səbəbiylə əhəmiyyətli dərəcədə azaldı və TikTok kimi rəqiblər sürətlə yüksəldi. Bu da “Meta”nın səhm qiymətlərinin 70 faiz ucuzlaşmasına səbəb oldu. Bazar dəyərini 700 milyard dollar itirən şirkətin səhmləri ixtisarların elanından sonra 4 faiz artıb. Şirkət 2023-cü ildə daha çox itirəcəyini gözləyir.