Facebook qruplarındakı söhbətlərə daha çox funksionallıq vermək istəyən Meta Discord-a bənzər İcma Çatları adlı yeni funksiya istifadəyə verir. Facebook-un Discord tipli səsli söhbət kanallarını təqdim etməyi hədəfləyən “Community Chats” testdən sonra yavaş-yavaş yayımlanmağa başlayır. Təxminən 3 milyard istifadəçi daha təhlükəsiz səsli söhbətlər edə biləcək.
Facebook İcma Çatları nədir?
Səsli söhbətlər adətən Facebook-da otaq formalı qruplarda mövcud idi, lakin bunlar birdəfəlik söhbətlər idi. Bir dəfə başladılırdı və bitəndə yox olurdu. Discord üslubunda isə istənilən vaxt kanala qoşulub söhbət başlatmaq mümkün olur. Facebook İcma Çatlarında qruplar daxilində daim açıq söhbət kanalı yaratmaq və ya müəyyən mövzularda audio, video zənglər etmək mümkündür. Adminlər iştirakçıların səsini söndürmək və ya bloklamaq səlahiyyətinə malikdir. Bundan əlavə, sistem avtomatik olaraq istədiyiniz sözləri süzgəcdən keçirə bilər. Facebook İcma Çatlarına Messenger vasitəsilə də daxil olmaq mümkün olacaq. Bildirilir ki, gələn həftədən etibarən icma çatları istifadəyə verilməyə başlanılacaq.
