Meta "Instagram"da NFT satışlarına başlaya bilər

Instagram və "Facebook"un ana şirkəti Meta "NFT"lərə dəstəyini genişləndirir. Bu gün şirkət kontent yaradıcılarına "Instagram"da NFT istehsal edib satmağa icazə verəcəyini açıqladı.

Instagram-da NFT dövrü başlayır

Meta keçən ildən bəri Instagram və "Facebook"un NFT dəstəyi üzərində çalışsa da, istifadəçilərə yalnız rəqəmsal kolleksiyalarını nümayiş etdirmək imkanı verilib. Açıqlamaya görə, indi bəzi influenserlər NFT kolleksiyaları yaratmaq və onları izləyicilərinə satmaq üçün "başdan-başa alətlər dəsti"nə sahib olacaq. Platformanın NFT sistemini də yeniləyən Meta istifadəçilərə Instagram profillərində video "NFT"ləri aktivləşdirmək üçün blokçeyndən istifadə etməyə imkan verəcək. Yeni funksiya əvvəlcə ABŞ-da yaşayan kontent yaradıcıları üçün uyğun olacaq. Bununla belə, Meta gələcəkdə daha çox istifadəçi və ölkənin dəstəklənəcəyini bildirir.