Meta, Messenger-ə HD keyfiyyətli video zənglər, danışıq zamanı səs-küyün ləğvi və süni intellekt arxa plan dəstəyi kimi bir neçə yeni xüsusiyyət əlavə etdi. Gəlin bu yeniliklərə daha ətraflı nəzər salaq.

Messenger-ə əlavə edilən yeniliklər

Messenger-də HD video zənglər Wi-Fi vasitəsilə avtomatik aktiv edilir və zəng menyusundan mobil şəbəkə ilə də aktivləşdirmək mümkündür. Səs səs-küyünü aradan qaldırmaq  üçün xüsusi ayarlar mövcuddur, həmçinin zənglərdə səs çıxışını dəyişmək mümkündür. Bundan başqa, Meta səsli və ya video mesaj göndərmə funksiyasını da tətbiqə əlavə edib.

Süni intellekt ilə yaradılmış arxa planları əldə etmək üçün zəng zamanı kənar menyudakı  efektlər  düyməsinə toxunmaq kifayətdir. Daha sonra Meta AI yazdığınız ifadəyə uyğun olaraq xüsusi arxa plan hazırlayır və onu zənglərdə istifadə edə bilərsiniz.

Son olaraq Meta, Apple Siri vasitəsilə əl dəymədən zəng və mesaj göndərmə funksiyasını da Messenger-ə əlavə edib. Siri-dən zəng etmək və ya mesaj göndərməsini istədiyinizdə “Messenger istifadə edərək ” deyə bildirdikdə, Siri bu əməliyyatı Messenger üzərindən yerinə yetirir.