İlon Mask uzun müddətdir ki, “Twitter”in CEO-su deyil, lakin o, ciddi dəyişikliklər etməyə davam edir və “Twitter”in tezliklə "X" adlandırılacağını tvit etdi. "Twitter"in yeni adı və loqosu tezliklə çıxacaq, lakin daha da əhəmiyyətlisi X.com ünvanı indi “Twitter”ə yönləndirilir. Bu o deməkdir ki, “Twitter”in ünvanı dəyişə bilər.

Maskın son açıqlamalarına görə, tezliklə Twitter brendi tamamilə silinəcək. İllərdir dəyişməyən Twitter loqosu, “tvit” ifadəsi ləğv ediləcək. Hətta “Twitter”in ünvanı da dəyişəcək. Hazırda X.com-a daxil olan zaman “Twitter”in ana səhifəsinə rast gəlinir. Yeni CEO Linda Yaccarino da Maskın bu dəyişikliklərinə maraqlı açıqlamalar verib. Yeni CEO-nun sözlərinə görə, Twitter bizim ünsiyyət tərzimizi dəyişdi və X hər şeyi əla çatdıra bilən nəhəng sosial şəbəkə platforması olacaq. "X" səs, video, mesajlaşma, ödənişlər/bankinq mərkəzli qlobal mühit təklif edən sərhədsiz qarşılıqlı əlaqənin ünvanı olacaq.

İlan Mask böyük dəyişiklikdən əvvəl profil şəklini qara fonda kosmos temalı X hərfinə dəyişdi. Eyni zamanda Maskın Twitter adının profilindən tamamilə sildiyi görünür.