MAC? PC? Hansı istifadəçilər süni intellektlə daha çox maraqlanır?

PC və MAC istifadəçiləri arasında süni intellektdən istifadə ilə bağlı araşdırma aparılıb. Araşdırmalar nəticəsində MAC istifadəçilərinin süni intellektdən daha çox istifadə etdiyi üzə çıxıb.

Süni intellekt bu gün getdikcə populyarlaşır. Xüsusilə ChatGPT və Midjourney kimi məhsuldar süni intellektin inkişafı ilə bir çox insanın diqqəti bu sahəyə yönəldi.

Ukraynanın proqram təminatı şirkəti Setapp-ın hesabatına görə, Mac istifadəçilərinin 42 faizi gündəlik olaraq süni intellektə əsaslanan proqramlardan istifadə edir. Bundan əlavə, istifadəçilərin 63 faizi süni intellekt tətbiqlərinin ənənəvi tətbiqlərdən daha faydalı olduğuna inanır. 
 

Mac istifadəçilərinin ən çox istifadə etdiyi süni intellekt cihazları hansılardır?

Hesabatda ən populyar süni intellekt tətbiqləri də sadalanıb. Bu proqramlar arasında əsas Google-un AI Bard və Microsoft-un Bing proqramlarıdır.
Bundan əlavə, TypingMind, Elephas, Spark, Notion, Grammarly, Craft, Luminar Neo, MacGPT, Asana, Raycast və MacWhisper kimi proqramlar da istifadəçilər arasında populyardır.

"Süni intellekt tətbiqləri istifadəçilərin gündəlik iş axınının mühüm hissəsinə çevrilib"-deyə Setapp-ın məhsul rəhbəri Mykola Savin bildirib: "Bu proqramlar istifadəçilərin daha səmərəli işləməsinə kömək edir və buna görə də istifadəçilər bu texnologiyanı mənimsəməyə davam edirlər".

Mac proqram tərtibatçıları da bu tendensiya ilə ayaqlaşırlar; 44 faiz artıq süni intellekt və ya maşın öyrənmə modellərini tətbiq edib, 28 faizi isə bu texnologiyanın inteqrasiyası üzərində işləyir. İllik hesabatın bir hissəsi olan bu araşdırmada 1241 Mac istifadəçisi iştirak edib. Sorğuda iştirak edənlərin 70 faizi M1 və ya M2 çipli Mac sahibidir.