Apple, MacBook istifadəçilərini sevindirəcək bir yenilik edərək, M2 və M3 çipli MacBook Air modellərində minimum RAM miqdarını 16 GB-a qaldırdığını elan edib və qiyməti 8 GB RAM-li modellərlə eyni səviyyədə saxlayıb.
Apple, M4 Pro və M4 Max prosessorlu MacBook Pro modellərinin təqdimatından sonra, Mac istifadəçilərini sevindirəcək bir yenilik edərək, M2 və M3 çipli MacBook Air modellərində minimum RAM miqdarını 16 GB-a qaldırdığını elan edib və qiyməti 8 GB RAM-li modellərlə eyni səviyyədə saxlayıb.
Əvvəllər 16 GB RAM-ə sahib MacBook Air almaq üçün 200 dollar əlavə ödəniş tələb olunurdu. İndi isə bütün modellər 16 GB RAM ilə təqdim olunur və başlanğıc qiyməti 999 dollar səviyyəsində qorunur.
Apple-ın bu həftə təqdim etdiyi yeni iMac, Mac Mini və MacBook Pro modelləri də 16 GB başlanğıc RAM tutumu ilə gəlir. Bu artımın əsas səbəbini Apple Intelligence texnologiyası ilə əlaqələndirmək olar. Cihaz üzərində işləyən süni intellekt modellərinin yüksək RAM tələbatını ödəmək üçün 8 GB RAM iPhone üçün kifayət etsə də, Mac kompüterlərdə bir neçə tapşırığın eyni anda yerinə yetirildiyi və daha ağır proqramların işlədildiyi hallar üçün kifayət etməyəcəyi aydındır. Buna görə də yeni Mac modelləri üçün 16 GB RAM artıq standart halına gətirilib.
