"Instagram"dan sevindirən yeni funksiya!

Mark Zukerberqin fikrincə, Instagram bioya çoxsaylı keçidlər əlavə etmək istifadəçilər tərəfindən ən çox tələb olunan xüsusiyyətlərdən biri idi. Ən son yeniləmə ilə Instagram istifadəçiləri biolarına beşə qədər link əlavə edə bilərlər. Instagram bioya beşə qədər link əlavə etmək olar, lakin yalnız birinci keçid görünür, qalan linklər gizlədilir. Misal üçün, Instagram bioya üç keçid əlavə etdiyiniz zaman “TelSat.az və digər iki link” mesajı görünür.

Instagram bio-da birdən çox keçid əlavə etmək üçün:

1. Instagram tətbiqini açın;
2. Aşağı sağdakı profil işarəsinə toxunun;
3. Yuxarı solda profil şəklinizin altındakı “redaktə et” üzərinə klikləyin;
4. Bağlantı əlavə et vurun;
5. Xarici keçid əlavə et vurun;
6. URL və təsviri daxil edin;
7. Mavi işarəyə toxunun;
8. Yenidən xarici link əlavə et deyərək birdən çox link əlavə edin.

Instagram keçidləri platformaya inteqrasiya etməkdə çox yavaşdır. Platformanın hekayələrinə keçidlər əlavə etmək funksiyası illər çəkdi. Bununla belə, Instagram lent yazılarına keçid əlavə etmək hələ də mümkün deyil. Bioya çoxsaylı keçidlərin əlavə edilməsi bütün hesablar üçün aktiv edilib.