Instagram yeni funksiyası ilə istifadəçiləri sevindirəcək!

"Meta"nın sosial media platforması Instagram istifadəçilərinə daha yaxşı xidmət vermək üçün özünü təkmilləşdirməyə davam edir. Yeni hesabata görə, Instagram bildiriş səslərindən narahat olan istifadəçilər üçün səssiz rejim funksiyası üzərində işləyir. Bu rejim aktiv olduğu müddətdə siz “Instagram”dan bildiriş almayacaqsınız və digər istifadəçilər bildirişlərinizin “Səssiz rejimdə" olduğunu görə biləcəklər.

Bu yeniləmə ilə “Instagram”da “kəşf et” bölməsində birdən çox kontenti gizlətmək mümkün olacaq. Beləliklə, müəyyən bir kontenti gizlədəndə Instagram onu ​​Reels və Search kimi digər yerlərdə də qarşınıza çıxarmayacaq.

Bu funksiya bir çox Avropa ölkəsində mövcud olsa da geniş şəkildə istifadəyə qarşıdan gələn yeniləmədə təqdim ediləcək.