Instagram profilinə musiqi əlavə etmək mümkün ola bilər

Instagram profilinə musiqi əlavə etmək mümkün ola bilər

Instagram köhnə internet istifadəçilərinə nostalji yaşadacaq funksiyanı geri qaytarmağa hazırlaşır: profil səhifəsinə musiqi əlavə etmək. Bu funksiya proqramist Alessandro Paluzzi tərəfindən kəşf edilib. Keçmiş illərdə Hi5 və ya MySpace kimi sosial şəbəkələrdə kiminsə profilinə daxil olduğunuz vaxt fonda musiqi səslənirdi. Bu, abunəçinin özünü xüsusi hiss etməsi üçün istifadə edilən yollardan biridir.

Deyəsən Instagram bu fikri öz profil səhifələrinə gətirməyi planlaşdırır. Yayımlanan skrinşotlara əsasən, istifadəçilər "Instagram"da “Profili redaktə et” menyusundan mahnı əlavə edə biləcəklər. Hələlik mövzu ilə bağlı çox təfərrüat yoxdur. Amma yeni funksiyanın sınaqdan keçirildiyi görünür. Bütün istifadəçilər üçün nə vaxt əlçatan olacağı da bəlli deyil. "Instagram"ın yeni funksiyaları sınadığının şahidi oluruq. Nəticədə, onların hamısı istifadəçilərə çatmasa belə platforma davamlı olaraq belə təcrübələr aparır.

Şərhlər

Digər xəbərlər