Instagram-da TikTok-a bənzər dizaynda şəkillər olacaq!

Instagram indi fotoşəkillərə tam ekranda baxmaq imkanı verəcək yeni funksiyanı sınaqdan keçirəcək. Bir dəfə oxşar  funskiya sınaqdan keçirildi, lakin daha sonra imtina edildi. İndi isə şirkət yenə də 9:16 ölçülü fotoşəkillərə keçə bilər. CEO Adam Mosseri təsdiqlədi ki, ultra hündür 9:16 ölçülü fotoşəkillər tezliklə sosial media platformasında sınaqdan keçirilməyə başlayacaq.

Instagram 9:16 ölçülü fotoşəkilləri "bir və ya iki həftəyə" sınaqdan keçirməyə başlayacaq

Hal-hazırda Instagram-da hündür formada (şaquli) videoların olması mümkündür, lakin hündür formada (şaquli) şəkillər hələ yoxdur. Mosseri bildirib ki, şirkət video və fotolara bərabər yanaşmağı planlaşdırır. Şaquli şəkilləri nümayiş etdirərkən hazırda maksimum 4:5  ölçüdə fotoşəkildir. Bununla belə, Instaqram lentinizi vərəqlədiyiniz vaxt daha incə, uzun 9:16 ölçüdə fotoşəkillər smartfonun bütün ekranını dolduracaq. Siz bu cür hündür şəkilləri hazırda yalnız hekayələr bölməsində yerləşdirə bilərsiniz. Instagram indi sizə hündür formada şəklin post olaraq paylaşılması imkanı vermək üzərində işləyəcək. Əvvəllər Instagram oxşar, lakin daha dramatik bir şey sınadı. Sosial media platforması bütün lenti tam ekran interfeysinə çevirməyə çalışdı (TikTok-u kopyalamaq cəhdi ilə) və bu bəzi məşhurlar tərəfindən ciddi şəkildə tənqid olundu. Kylie Jenner və Kim Kardashian Instagram-ı TikTok-u kopyalamağı dayandırmağa çağırdı. Bu şikayətlərdən sonra sosial media platforması interfeys dəyişikliyindən imtina etdi. Lakin Instagram yenidən bunu sınaqdan keçirməyə başlayıb. Sınaq dövründə olduğuna görə bu hələ rəsmi yeniləmənin bir hissəsi deyil. Hələlik ictimaiyyətə açıqlanacaq rəsmi tarix yoxdur.