Instagram, CapCut-ın yerini almaq üçün yeni bir tətbiq olan Edits-i elan etdi

ABŞ-da TikTok və CapCut-ın qadağan olunduğu gün Instagram, rəqib olacaq yeni tətbiqini təqdim etdi. Instagram Edits mart ayında istifadəyə veriləcək.

Instagram rəhbəri Adam Mosseri bazar günü, TikTok-un ABŞ-da rəsmi şəkildə qadağan edildiyi gün, Edits adlı yeni video redaktə proqramının tezliklə istifadəyə veriləcəyini açıqladı. Mosserinin bəyanatı, CapCut video redaktə proqramının da TikTok ilə birlikdə qadağan edilməsi ilə üst-üstə düşdü.

Instagram Edits nələr təklif edəcək?

Instagram Edits, istifadəçilərə video hazırlamaq, onları redaktə edib paylaşmaq və Instagram Reels statistikasını izləmək imkanı verəcək. Proqram, maksimum 10 dəqiqəlik və 1080p təsviri videolar yaratmağa şərait yaradacaq. Bundan əlavə, süni intellekt animasiyası, avtomatik altyazılar, mətn əlavə etmək, səs effektləri, filtrlər və stikerlər kimi funksiyaları təklif edəcək.

Instagram Edits, Apple App Store-da ön sifariş üçün artıq mövcuddur və pulsuzdur. Mosseri tətbiqin fevral ayında təqdim olunacağını bildirsə də, App Store məlumatlarına əsasən tətbiq 13 mart 2025-dən etibarən əlçatan olacaq.