İndiyə qədərki ən nazik çərçivəli telefon yoldadır!

Tezliklə buraxılması planlaşdırılan Realme 10 Pro smartfon sənayesində ən nazik çərçivəyə malik model olacaq. Cihazın əyri OLED displey daşıyacağı bildirilir. "Realme 10 Pro"da "çənə" adlanan alt çərçivə nazikliyinə görə Samsung “Galaxy S22 Ultra”dan üstündür. Cənubi Koreya texnoloji nəhənginin flaqmanındakı çərçivənin qalınlığı 2,6 mm olduqda “Realme 10 Pro”da bu dəyər 2,3 mm-ə düşəcək.

Realme 10 seriyası haqqında bilinənlər

Realme 10 və Realme 10 Pro bu yaxınlarda Çinin Sənaye və İnformasiya Texnologiyaları Nazirliyi tərəfindən təsdiqlənib. RMX3663 nömrəli Realme 10 düz ekranla gələcək. RMX3687 nömrəli "Realme 10 Pro"da isə hiperbolik displey olacaq. Smartfonlarda MediaTek Helio G99 və Dimensity 1080 çipsetləri, optik təsvir sabitləşdirməli 50 meqapiksellik kamera və 120Hz displey olacaq. Realme 10 seriyasının buraxılış tarixi hələ məlum deyil, lakin smartfonlar haqqında açıqlama gələn ay ola bilər.