İlon Mask süni intellekti "Twitter"ə gətirir!

İlon Mask ən məşhur və ən böyük süni intellekt şirkəti olan OpenAI-nin yaradıcılarından biri olsa da, bir müddətdir ki, süni intellekt mövzusundan uzaqdır. Ancaq bunun sürətlə dəyişdiyi görünür. Ötən ay bir neçə keçmiş DeepMind tədqiqatçısını işə götürən “Twitter”in hazırda şirkət üçün süni intellekt layihəsi üzərində çalışdığı bildirilir.

Süni intellekt "Twitter"ə gəlir

Məlumatlara görə, İlon Mask süni intellekt layihəsi üçün lazım olan emal gücünü təmin edib. İddiaya görə, Mask bu yaxınlarda şirkətin iki mövcud məlumat mərkəzindən birində istifadə edilmək üçün 10.000 qrafik kartı alıb. “Twitter”in bu layihə ilə nəyi hədəflədiyi bilinmir, lakin sosial şəbəkənin böyük məlumat sərvəti üzərində təlim keçmiş generativ süni intellekt modeli olacağı gözlənilir. Təklif edilir ki, generativ süni intellekt platformanın axtarış funksiyasını artıra və ya şirkətə reklam biznesini yenidən qurmağa kömək edə bilər.

Hər halda, bütün bu iddiaların Maskın süni intellektin inkişafında altı aylıq fasilə elan etməsindən sonra ortaya çıxması kifayət qədər maraqlıdır. Onun dəqiq nə etmək istədiyi bəlli deyil, lakin görünür ki,  qurucularından biri olduğu OpenAI-a qarşı rəqib hazırlayır.