İlon Mask geri çəkildi: Twitter-i satın alır

Yazda Twitter-i almaq üçün hərəkətə keçən, lakin  bot hesablarını bəhanə edərək imtina edən milyarder dünyasının ərköyünü İlon Mask işin məhkəməyə getməsinə səbəb olmuşdu. Məhkəmə başlamadan o, geri çəkildi. Aylardır satın alma prosesini süründürən İlon Mask məhkəmənin başlamasına iki həftə qalmış qəfildən fikrini dəyişib. Təklif etdiyi ilk günə qayıdıb danışıqların yenidən başlamasını tələb edir. Əldə edilən məlumata görə, məşhur milyarder hər səhm üçün 54,20 dollarlıq qiymət təklifi ilə danışıqlara davam edəcək. Xəbərdən sonra Twitter-in hissələri bağlandı, amma yenidən açılanda 22 faiz bahalaşaraq 50 dollara yüksəldi.

İlon Maskın niyə belə bir addım atdığı məlum deyil, lakin hələ də həll olunmamış bot hesabı problemi var. Maskın bu məsələni yenidən gündəmə gətirəcəyi və ya Twitter administrasiyasının təqdim etdiyi məlumatları yetərli hesab edib-etməyəcəyi bilinmir.