Bir müddət kripto pul dünyasında manipulyasiya üstünə manipulyasiya edəndən sonra ortalıqda görünməyən İlon Mask yenə diqqət mərkəzində olmağı bacardı. Dünən “Twitter”in ana səhifəsini və yükləmə loqosunu Dogecoin etdi.
“Twitter”də Dogecoin dövrü
“Twitter”i alandan sonra kripto pul dünyasının diqqətində olan İlon Mask nəhayət gözlənilən addımı atdı. Dogecoin simvolu “Twitter”in ana səhifəsinə və səhifəni yenilədiyiniz zaman görünən yükləmə hissəsinə yerləşdirildi. Bundan başqa, tətbiqdə görünən heç bir dəyişiklik yoxdur. Yenə də İlon Maskın bu hərəkəti Dogecoin cəmiyyətini həyəcanlandırmaq üçün kifayət etdi. Bir neçə dəqiqə ərzində "Dogecoin"in qiyməti 8 sentdən 10 sentə yüksəldi. Gündəlik həcm də 1 milyard dolları keçib. Bəzi mənbələr “Dogecoin”in sosial şəbəkənin ödəniş sisteminə əlavə ediləcəyini düşünür.
