İlon Mask: "Twitter ölkə qanunlarına tabe olacaq"

İlon Mask: "Twitter ölkə qanunlarına tabe olacaq"

Dünyanın ən zəngin adamı İlon Mask fikrini dəyişdikdən sonra səhmləri 54,20 dollara qalxan Twitteri yenə ilkin təklif etdiyi 44 milyard dollara almaq istəyir. Əvvəlcə Musk Twitter-dən abunəçilərinin 5%-dən çoxunun bot olmadığını sübut etməsini istədi və bunu etməsələr, almayacağı ilə hədələdi. İndi isə məhkəmə prosesi davam edir və Maskın sosial şəbəkəni alsa, hansı dəyişikliklərin ola biləcəyi müzakirə edilir.

Musk "Twitter"i alarsa, platformanı tanımayacaqsınız!

Belə hesab edilir ki, Mask bəzilərinin bəyənəcəyi, digərlərinin isə nifrət edəcəyi dəyişikliklər edə bilər. Twitter istifadəçilərdən alınan abunə haqqının qiymətini dəyişə bilər. Eyni zamanda Twitter istifadəçilərə platforma vasitəsilə səyahət sifarişləri etməyə imkan verən digər xidmətləri də təklif edəcək. Bəziləri Maskın "Twitter"i WeChat tətbiqinə çevirmək niyətinin olduğunu bildirir. WeChat Çində mesajlaşma proqramıdır, istifadəçilərin məhsul satın ala və rezervasiya edə biləcəyi proqram kimi populyardır. 2021-ci ilin dördüncü rübü ərzində tətbiqin 1,27 milyard aylıq aktiv istifadəçisi olub. Twitter hazırda nifrət mətnlərini, nitqi, təqibi və zorakılığı qadağan etsə də, Mask may ayında demişdi ki, Twitter fəaliyyət göstərdiyi ölkələrin qanunlarına uyğunlaşacaq. Əgər vətəndaşlar bir şeyin qadağan olunmasını istəyirlərsə, o zaman bunu qanunla da qadağan etdirməlidirlər. Əks halda bu "Twitter"də qadağan edilməyəcək.

Motley Fool-un baş analitiki Bill Mann bildirib ki, gələcəkdə bəzi böyük dəyişikliklər olacaq.

Şərhlər

Digər xəbərlər