"Huawei"nin ilk belə simsiz qulaqlığı olacaq!

Simsiz qulaqlıqlar alıcıların diqqətini cəlb etməyə davam edir. Buna görə də  istehsalçılar bir-birinin ardınca yeni modellər buraxmağa başlayıblar. Huawei keçən il FreeBuds Pro 2-ni təqdim etdi. Çin şirkəti indi FreeBuds Pro 2+ modelini satmağa hazırlaşır. Yeni simsiz qulaqlığın ən mühüm xüsusiyyəti ürək döyüntüsünün ölçülməsi texnologiyası olacaq. İnternetə sızan ekran görüntülərinə əsasən, FreeBuds Pro 2+ şirkətin bu xüsusiyyətə malik ilk simsiz qulaqlığı olacaq.

Real vaxt rejimində ürək döyüntüsünün aşkarlanması funksiyası sayəsində istifadəçilər ürək döyüntüləri yüksək olduqda bildirişlər alacaqlar. Sözügedən xüsusiyyət yüksək və aşağı ürək dərəcəsi xəbərdarlığı, yüksək həssas ürək dərəcəsi rejimi kimi seçimlər təklif edəcək.

Sızdırılan materiallar FreeBuds Pro 2+ dizaynını da ortaya qoydu. Adapter qutusunun üzərindəki Huawei + Devialet yazısı qızılı rəngli örtüklə əhatələnib. Eyni formada qulaqcıqların ətrafında da qızılı çərçivə var. Bütün bu detallar göz oxşayan dizaynın gələcəyini göstərir.