466 x 466 piksel ekran həlli, 2 GB operativ yaddaş və 16 GB yaddaşla satışa çıxarılan Huawei Watch 3 Pro ilə taksi çağırmaq mümkündür. İstifadəçi bu funksiyadan yararlanmaq üçün Harmony OS 3-ün ən son versiyasından istifadə etməlidir. Belə ki, istifadəçilər Petal Maps tətbiqini açıb bu tətbiqin aşağı sol küncündə müvafiq düyməni sıxmaqla taksi çağıra biləcəklər. Bu smart saatın istifadəçiləri zəng etdikləri taksinin modelini və marşrutunu seçə biləcəklər. Zamanla vacib məlumatları toplayacağı proqnozlaşdırılan bu funksiya daha sonra istifadəçilərin köməyi ilə tez-tez istifadə olunan marşrutların siyahısını tərtib edəcək və istifadəçilərə müvafiq marşrutlar təklif edəcək. Bundan əlavə, Huawei Watch 3 Pro-da naviqasiya infrastrukturunun "Huawei"dən başqa heç bir şirkətlə əlaqəli olmadığı bildirilir.

Huawei Watch 3 Pro

Huawei tərəfindən verilən digər məlumata görə, Watch 3 Pro modelinin interfeysində taksilərin dövlət nömrə nişanı, rəngi və marşrutu göstərilə bilər. O, həmçinin sürücünün yerini də göstərə biləcək. Parolsuz ödəniş sistemi ilə ahəngdar işləyən bu ağıllı saat sayəsində insan səyahəti başa çatdıqdan dərhal sonra ödənişi avtomatik həyata keçirə biləcək.