“Huawei” planşet satışları artıb, lakin “Apple”ın satışları azalıb

Apple yenidən böyük fərqlə satışlarda birinci olub, lakin şirkətin satışları keçən illə müqayisədə 13,9% azalıb. Keçən il Apple 42% bazar payına sahib olduğu halda, bu il 36%-ə düşüb. İkinci yerdə 20% payla Samsung qərarlaşıb. Cənubi Koreya nəhəngi ötən ildən öz payını qoruyub saxlaya bilib. Ən böyük sıçrayış Huawei oldu. Huawei planşet bazarında olduğu kimi smartfon bazarında da bərpa olunmağa davam edir. Ötən il 5% bazar payına malik olan şirkət bu ilin birinci rübündə satışlarını 70%, payını isə 8%-ə çatdıraraq 3-cü yerə yüksəlib.

Huawei Amerika embarqosu səbəbindən Google xidmətlərinə daxil ola bilmədiyi üçün satışlarının böyük hissəsini Çində həyata keçirir. Çin nəhəngi rəqabətə davam gətirmək üçün gələcəkdə daha yaxşı çipsetlərdən istifadə etməyi planlaşdırır. Huawei Mate 70 seriyasının oktyabr ayında şirkətin ilk 5 nanometrlik Kirin prosessoru ilə təqdim ediləcəyi deyilir. Şirkət planşetlərində bu prosessordan istifadə etməklə rəqabətdə geri qalmamağı planlaşdırır. Bununla belə, onun emal gücü baxımından iPad-lərlə başabaş rəqabət edə biləcək bir məhsulu hələ yoxdur.

Uzun müddətdir iPad-lərini yeniləməyən Apple, sabahkı "Let Loose" tədbirində M4 prosessorlu OLED iPad Pro seriyasını açıqlayaraq planşet bazarında yenidən yüksəlməyi hədəfləyir.