Çin texnologiya nəhəngi Huawei-nin qurucusu Ren Zhengfei şirkəti xilas etmək üçün çox şeyin qurban veriləcəyi "sağ qalma" rejiminə keçildiyini bildirdi. Zhengfei işçilərə makroiqtisadi problemlərin şirkətin gələcəyini birbaşa təhdid etməyə başladığını etiraf edib və onlara görüləcək tədbirlər, gələcək planlar barədə məlumat verib. Zhengfei-nin fikrincə, növbəti on il ərzində qlobal tələbat azalacaq və qarşıdakı üç il şirkət üçün xüsusilə çətin olacaq və Huawei bütün diqqətini bu dövrdən sağ çıxmağa yönəltməli olacaq. Baş direktor Huawei-nin 2023-2024-cü illər arasında buna nail olub-olmayacağından əmin olmadığını yazıb. Pessimist dünyagörüşü pandemiya, müharibə və ABŞ sanksiyalarının iqtisadi təsirlərindən qaynaqlanırdı.

Kütləvi ixtisarlar ola bilər!

Ren Zhengfei qeydində həmçinin qeyd etdi ki, bu səbəblərə görə Huawei mürəkkəb yüksək riskli layihələri dondurmalı, səmərəliliyi artırmaq üçün bulud platformasına keçməli, elektrikli nəqliyyat vasitələri kimi əsas olmayan sahələrdə araşdırmaları azaltmalı və gəlir gətirmək ehtimalı az olan biznesləri bıçaq altına qoymalıdır.  Zhengfei, həmçinin şirkətin bəzi xarici bazarlarda iştirakını azaldacağını və işçilərini geri göndəriləcəyi versiyalarını da istisna etməyib. Bu, kütləvi ixtisarlar və şirkətin bəzi ölkələrdən çıxa biləcəyi deməkdir. Digər tərəfdən, Zhengfei şirkətin gələcəyinin yaxın bir neçə ildə qeyri-müəyyən olduğunu bildirib.