Honor 5G dəstəkli X40-ı təqdim etdi!

Honor brendi 5G bağlantısını dəstəkləyən yeni smartfonunu təqdim edib. Honor X40 keçən ilin sonunda debüt edən Honor X30-u əvəz edəcək telefondur.

Ekran

Smartfon 2400 × 1080 piksel təsvir ölçüsünə, 120 Hz təzələnmə tezliyinə və maksimum 800 nit parlaqlığa malik 6,67 düymlük əyri OLED displeyinə malikdir. Qeyd edək ki, barmaq izi skaneri ekrana inteqrasiya olunub.

Avadanlıq

Honor X40 Snapdragon 695 çipseti ilə təchiz edilib. Bu prosessoru 6/8/12 GB RAM və 128/256 GB yaddaş müşayiət edir. Çin şirkəti cihaza 40 Vt sürətli şarj ilə 5100 mAh batareya əlavə edib.

Kameralar

Smartfonun arxa panelində iki kamera var:

50 meqapiksel əsas sensor (f/1.8)

2 meqapiksellik makro kamera (f/2.4)

Ön tərəfdə 8 meqapiksellik (f/2.0) selfi kamerası var. Kameralar 1080p video yaza bilir.

Digər xüsusiyyətlər

Cihazın digər xüsusiyyətlərini Wi-Fi 802.11 a/b/g/n/ac, Bluetooth 5.1 BLE, GPS, A-GPS və USB-C portu kimi sadalaya bilərik. Smartfon qutudan Android 12 əsaslı Magic UI 6.1 interfeysi ilə çıxır. Honor X40-ın satışı sentyabrın 23-də başlayacaq.

Honor X40 Xüsusiyyətləri

Ekran: 6,67 düym OLED, FHD+, 120 Hz

Prosessor: Snapdragon 695

RAM: 6/8/12 GB

Saxlama: 128/256

Əməliyyat sistemi: Android 12 (Magic UI 6.1)

Arxa kamera: 50+2 meqapiksel

Ön kamera: 8 meqapiksel

Batareya: 5,100 mAh, 40 Vt doldurma

Qoşulma: 5G, Wi-Fi 802.11 ac (2.4GHz + 5GHz), Bluetooth 5.1, GPS, A-GPS, USB-C portu

Ölçülər: 161.6 x 73.9 x 7.9 mm

Çəkisi: 172 q