Honor Earbuds X5 simsiz qulaqlıqları təqdim edildi: 27 saat batareya ömrü!

Honor bugünkü tədbirində təkcə Honor 90 seriyalı smartfonlarını təqdim etmədi, həm də yeni simsiz qulaqlıqlığını tanıtdı. Honor Earbuds X5 adlanan model bu yaxınlarda satışa çıxarılan Oppo Enco R2 ilə oxşar funksiyalar təqdim edir. Təəssüf ki, simsiz qulaqlıqlarda aktiv səs-küyün ləğvi (ANC) texnologiyası yoxdur. Qulaqlıq ağ və çəhrayı olmaqla iki rəng variantında gəlir. İyun ayında 40 dollara satışa çıxarılacaq. Honor Earbuds X5 13,4 mm-lik drayverlərlə təchiz olunub və Bluetooth 5.3 vasitəsilə qoşulur. Çox nöqtəli əlaqə dəstəyi sayəsində eyni anda iki cihaza qoşula bilir və onlar arasında keçidi mümkün edir.

Qeyd edək ki, qulaqcıqlar Honor smartfonlarına asanlıqla qoşulur. Bütün bunlara əlavə olaraq toxunma nəzarəti və zənglər üçün ENC (ekoloji səs-küyün ləğvi) dəstəyi də var.

Honor Earbuds X5-in qutusu ilə birlikdə 27 saata qədər batareya ömrü təqdim etdiyi açıqlandı. Qulaqlıqdan tək doldurma ilə 5 saat istifadə etmək mümkün olacaq.