Honor Band 7 NFC təqdim edildi: 14 gün batareya ömrü!

Çin istehsalçısı Honor Magic 5 Ultimate smartfonu ilə birlikdə həm də yeni ağıllı qolbağını təqdim etdi. Honor Band 7 NFC, adından da göründüyü kimi, keçən ilin sonunda debüt edən orijinal modelin NFC ilə təchiz edilmiş versiyasıdır. Cihazın əvvəlki versiyadan əsas fərqi onun yaxın sahə rabitəsi (NFC) dəstəyi təklif etməsidir. Digər xüsusiyyətlər eyni qalıb. Honor Band 7 NFC-də düym başına 282 piksel sıxlığa sahib 1,47 düymlük AMOLED displeydən və 2,5D əyri şüşədən istifadə olunub. Cihaz təkmilləşdirilmiş ürək döyüntüsünü ölçən monitora malikdir.

Ağıllı qolbaqda yuxu izləmə funksiyası ilə yanaşı 96 idman rejimi də var. Qeyd etmək lazımdır ki, smartfonla birləşdirildikdə o, musiqi pleyerini idarə edə və kameranın pultu kimi də istifadə edilə bilər. Honor Band 7 NFC bir dəfə doldurulan enerji ilə 14 günə qədər dayana bilir. Sürətli enerji doldurmanı dəstəkləyən ağıllı qolbaqın qiyməti 41 dollardır. Martın 20-dən etibarən Çində satışa çıxarılacaq.