OpenAI DALL-E ChatGPT, GPT-3 kimi süni intellekt və dil modellərinin arxasında duran süni intellekt şirkətidir. Deyə bilərik ki, şirkətin son illərdə təqdim etdiyi məhsullar süni intellekt sənayesi üçün standartları müəyyən edib. Digər tərəfdən, "OpenAI"nin Microsoft ilə tərəfdaşlığının əhatə dairəsi son vaxtlar daha da dərinləşib. Microsoft açıqladı ki, OpenAI ilə çoxillik, milyard dollarlıq investisiya ilə uzunmüddətli tərəfdaşlığı genişləndirdik. 

Həm OpenAI, həm də Microsoft investisiyanın dəqiq həcmini açıqlamır. Bununla belə, əvvəlki xəbərlərimizdə “Microsoft”un 10 milyard dollar sərmayə qoyacağını və “OpenAI”nin 49%-nə sahib ola biləcəyini qeyd etmişdik. Digər tərəfdən, Microsoft 2019-2021-ci illərdə “OpenAI”ə bir neçə milyard dollar sərmayə qoyub və şirkətin tərəqqisini dəstəkləyib. OpenAI inkişaf etdirdiyi məhsullar üçün “Microsoft”un Azure və superkompüterlərindən istifadə etdiyi halda, Microsoft OpenAI məhsullarını öz sistemlərinə inteqrasiya etməyə çalışır.

Yeni elan edilmiş çox milyardlıq tərəfdaşlıq ilə Microsoft OpenAI modellərini istehlakçı və müəssisə məhsullarına inteqrasiya edəcəyini söylədi. “Microsoft”un prezidenti və baş direktoru Satya Nadella tərəfdaşlığın bu mərhələsində tərtibatçılar və təşkilatlar tətbiqlərini qurmaq, idarə etmək üçün Azure ilə ən yaxşı süni intellekt infrastrukturuna, modellərinə və alətlər silsilməsinə çıxış əldə edəcəklərini bildirir.

"Microsoft"un OpenAI ilə bağladığı bu müqavilə yerində atılan addım hesab edilir. Google bir müddət əvvəl süni intellektdə geridə qaldıqlarını və OpenAI məhsullarından narahat olduqlarını açıqlamışdı. Digər tərəfdən, Microsoft bu sahəyə güclü sərmayələr qoyur. O qədər ki, “Microsoft”un “ChatGPT”ni “Bing”ə daxil etmək fikrinin olduğu iddia edilir. Eyni zamanda "Microsoft"un şirkətin süni intellekt məhsullarını "Office"ə də inteqrasiya etməyi planlaşdırır.