“Google”un may ayında Google I/O-da Pixel 7a-nı təqdim edəcəyi gözlənilir. Telefonun şəkilləri və texniki xüsusiyyətləri bu yaxınlarda ortaya çıxdı. Artıq telefonun rəng seçimləri, qiyməti və satış tarixi məlumdur.

Google Pixel 7a, Pixel 6a-dan 50 dollar baha yəni 500 dollar (900 manat) olacaq. Beləliklə, cavabsız bir sualımız qalıb. Pixel 7a nə vaxt buraxılacaq? Pixel 6a keçən ilin mayında təqdim edildi və iki ay sonra iyulda satışa çıxdı. Pixel 7a-nın mayın 10-da elan edildikdən sonra satışa çıxarılacağı deyilir. Telefon kömür, dümağ və mavi rənglərdə olacaq. Google Store üçün isə eksklüziv olaraq mərcan rəngi də olacaq.

Mayın 10-da keçiriləcək tədbirdə Google Pixel Fold da təqdim olunacaq. “Google”un qatlanan telefonu iyunun 27-də satışa çıxarılacaq. Pixel Fold-un qiymətinin 3 min manat (1800 dollar) olacağı deyilir.