“Google”un sərfəli telefonu - Pixel 7a!

Pixel 7a “Google”un Android 14 xüsusiyyətləri və yeniliklərini göstərəcəyi I/O 2023 tədbirində təqdim ediləcək. “Google”un əksər avadanlıqları kimi Pixel 7a da tədbirdən əvvəl sızdırıldı. Sosial media platformasında telefonun dizaynını ortaya qoyan fotolarla yanaşı onun əsas xüsusiyyətləri də paylaşılıb.

“Google”un keçən ilin may ayında təqdim etdiyi Pixel 6a-nı əvəz edəcək Pixel 7a 6,1 düymlük 1080p 90Hz OLED panelə sahib olacaq. O, “Google”un 2022-ci il üçün ən yüksək səviyyəli prosessoru Tensor G2 ilə təchiz ediləcək. Yaddaş və saxlama həcmi dəqiq deyil, lakin onun LPDDR5 RAM, UFS 3.1 olduğu deyilir. Arxa tərəfdə 12MP ultra geniş və 64MP Sony IMX787 əsas kameradan ibarət ikili kamera qurğusunu görəcəyik. Telefonun batareyası 5W simsiz doldurmanı dəstəkləyəcək.