"Google"un ilk qatlanan telefonu elan edildi: Google Pixel Fold

Google I/O 2023 tədbirində ilk qatlanan telefonu Pixel Fold-u təqdim edəcək. Təqdimatdan bir qədər əvvəl Google sosial şəbəkə ünvanında telefonun tanıtım videosunu paylaşdı. Hal-hazırda rəsmi olaraq detalları bilməsək də, Google Pixel Fold açıq şəkildə qarşımızdadır. Müxtəlif mənbələrdən gələn məlumatlara görə, “Google”un ilk qatlanan telefonu “Samsung”un Galaxy Fold modellərinə bənzəyən planşet kimi ekranı göstərmək üçün şaquli menteşəyə malikdir. Bağlandıqda, kənarda daha kiçik bir toxunma ekranı görünür. Arxa tərəfdəki kamera paneli digər Pixel cihazlarına bənzəyir.

Google Store görə, Pixel Fold tezliklə satışa çıxacaq. Əlavə edilir ki, Pixel Fold-un başlanğıc qiyməti 3 min manatdır (1700 dollar). Hələ təsdiqlənməsə də Google Tensor G2 prosessoru, 5,8 düymlük xarici ekran, 7,6 düymlük daxili ekran, normal istifadədə 24 saat, Extreme Battery Saver rejimində 72 saat kimi xüsusiyyətləri ola bilər.

Google Pixel Fold funksiyaları da daxil olmaqla bütün detallar mayın 10-da rəsmi olaraq elan ediləcək.