“Google”-un ilk qatlana bilən telefonu hələ satışa çıxarılmayıb. Bununla belə şirkətin Pixel Fold üzərində işlədiyi məlumdur. Cihazın yüksək keyfiyyətli renderləri çıxdı. Eyni zamanda telefonun çıxış tarixi və qiymət etiketi də paylaşıldı. Mənbəyə görə, Google Pixel Fold premium smartfon olacaq. Belə görünür ki, metal və şüşə korpus onu daha da ağırlaşdıracaq. Qatlana bilən telefon ağ və qara olmaqla iki rəng variantında təqdim olunacaq.

Google Pixel Fold xüsusiyyətləri

Pixel Fold-un əsas kamerası bu yaxınlarda buraxılmış Pixel 7 Pro-nun üslubunda olacaq. Modulda üç görüntü sensoru var. İçəridə çox qalın çərçivələrə malik qatlana bilən ekran var. Üst çərçivəyə quraşdırılmış selfi kamerası 9,5 meqapiksellik təsvir ölçüsünü təqdim edəcək. Bundan əlavə, xarici ekranda 9,5 meqapiksellik ön kamera da olacaq. Bununla belə, bu sensorun paneldəki dəlikdə yerləşəcəyi bildirilir. Barmaq izi skaneri güc düyməsinin içərisinə yerləşdiriləcək. Pixel Fold 2023-cü ilin mayında 3 min manatdan başlayan qiymətlə (1799 dollar) satışa buraxılacaq.